Mitmesugust (võrokiilse)

 

------------------------------------------

        Sabalisõ

Midä tahtsõ tuud sai,

lats pedi olõma vaid pai.

Mõtõldi-tetti kõik ta iist,

nii opati sabagõ miist.

Ütsinda jäi. Oll'gi vaba.

Limukas pruugi-es suud,

egäs mõista ka muud -

ku' lipudi suurdõlõ sapa.

Elupõrgu sabagõ saadan

lei tantsu ku kabjalinõ;

sai kõik, midä iganes saada.

Nii õndsas saava' sabalisõ. 

....................................................

Päälekaibaja kaif

Vei tütärlats punkrihõ süvvä'

uma vellile Keretü mõtsa.

Sääl NKVD ta kinni võtsõ.

Oll' tuu päälekaibaja kaif.

Kümme Siberi vangla-aastat,

tütärlatsõ tervüse laasti.

Tagasi tull', kodo viil lõi, 

soojust perele ja vannulõ tõi.

Päälekaibajil- kaabakil parhillagi - 

nuil elo lill, ku' roosi äitsmin aid,

iks uma sõpru ringkaitse all. 

---------------------------------------------

Käo kuulutus

Tuu talotarõ peräst hävisi,

kos kägu kur'ält kukman kävi.

Säält peremiis sõ'an hukka sai

ja takkaperrä läüdmätä jäi.

Poig sai mennä Kurõnurmõ kuuli,

ku' joba külmäl talvõkuul kuuli.

Vast paar aastat müüdä läts,

ku' mõrvar per'naasõ tapsõ.

Külümehe' tuud hirmutüüd näivä';

Prassipallu kats hauda maa'ha jäivä.

Ku' kägu kukman käü hoovi pääl,

sis olõ-i säält luuta inämb hääd.

---------------------------------------------