Aasta viimädsel külmäl kuul,
ku' säräs vaigunõ kuusõpuu;
uma usun ütli naabri Ats,
et ilma sünnüs üts õnnis lats.
Tulõ teile Tagamõtsa tarrõ,
suurdõ perre, hällü Jõuluüün.
Uma pääle tuu lats kõik võtt',
inemiste lunastusõ tüü.
Om Jõuluüü õnnis' üle ilma.
Ku' vaba Soomõ raadiun
laulsõ kerkokuur "Pühä üüd",
sis imä rätige pühkse silmä.
Nüüt mitmit Issanda aastit lännü,
kurbdust ja õnnõ olõmi nännü.
Tagamõtsa ammu jo varõmin,
tullu' Lunastaja iks mi süämin.
No comments:
Post a Comment