Ku vainuväe' Põhjasõa'aal nõrõtivä verest,
kurjami pakku panni' kullagõ Erästverest.
Nii Rootsi kuld sai Vilbusohu,
tuust kõnõldi viil mitmel puhul.
Vinne soldati neid kipõlt takan ai'va,
sääl Tammõssillan kätte saiva.
Karguri koledast' verre hakati,
hainamaal armõdu maha notiti.
Verevä lätte manu är'käkiti kuld,
kos pedäjä kotsil jooksikute haua muld.
Toda verist kullakallist aaret
om otsman käüdü mõnõst ilmakaarõst.
Oll' Rootsi kullal hirmus süü,
tuul suu pääl tettü võikal veretüül.
Sai Vilbusohu väkev varandus,
aastasadu Häniken hoitu saladus.
Vambola Raudsepp
No comments:
Post a Comment